1)যি মূলা বাঢ়ে দুপাততে চিন ।

যি মূলা বাঢ়ে দুপাততে চিন :  উক্ত ফকৰা যোজনাটি সততে অসমীয়া  ভাষাত প্ৰচলিত  হোৱা দেখা যায় । উক্ত যোজনাটিয়ে সৰু কালৰ কাৰ্য প্ৰণালীতে শিশুটিৰ ভৱিষ্যত কেনে হ'ব তাৰ সম্ভেদ পোৱা কথাকে প্ৰকাশ কৰে।

           মূলা হৈছে এবিধ পাচলি । মানুহে নিজৰ ব্যঞ্জনাৰ বাবে মূলাৰ বীজ সিঁচে । সেই বীজৰপৰা গজালি মেলি মূলাজোপা  দুপাত হৈ বিকশিত হওঁতেই  উমান পোৱা যে মূলাৰ মূলটো কেনেধৰণে বৃদ্ধি হ'ব । মূলাৰ ক্ষেত্ৰত পৰিলক্ষিত হোৱা এনে বৈশিষ্ট্য মানুহৰ জীৱনটো দেখা পোৱা  যায় । এটি শিশুৰ  চাল-চলন,  আচাৰ-ব্যৱহাৰ, কাৰ্য-প্ৰণালী , মানসিক ভাৱ-চিন্তা  তথা বুদ্ধিমত্তা আদিৰ ওপৰত লক্ষ্য কৰি অনুমান কৰিব পৰা যায় যে শিশুটিৰ ভৱিষ্যত জীৱন কেনে হ'ব ।